قالوا ناس زمان
مجموعة من الحكم و الأمثال المراكشية خصوصا
و المغربية عامة,
من أروع ما قاله أجدادنا المغاربة القدامى.
أقوال و معاني موجزة اشتهرت و انتشرت على ألسنة الناس,
دقيقة التعبير, تهدف إلى الخير و الصواب, و تعبر عن خلاصة أصحابها عبر تجاربهم الحياتية اليومية, قديما و حديثا.
فللمثل وقع شديد في النفس ,
و المثل المنـــــاسب في الوقت المنـــــاسب
لا تعدله حجة و لا ينــــــــــــــــافسه شاهد,
و تلك قمة الحكـــــــــــمة و البلاغة .
باب التـــــاء
· تابع جيلالة بالنفيخ.
· تابهلالة و سريق العواد.
· تاجر حلابو , اللي دا ما جابو و اللي خلى ما صابو.
· تاكل منو و شيط الخير.
· تاكلها من يد الشبعان الى جاع ما تاكلها من يد الجيعان الى شبع.
· تبات نار تصبح رماد كل شي بيد القهار.
· تبدال المنازل راحة.
· تبر قيقشت و لا جميل العنابة.
· تبع الكذاب حتى للباب الدار.
· تبع اللي يبكيك ما تبع اللي يضحكك.
· تب يتوب الله عليك.
· تتباهى بنهود لالاها.
· تيشري الحوت فالبحر.
· تحرق الوجه و الكفا و عدويا ما زال ما تشفى.
· تحزمات القرعة بالفكوس و قالت ليه يالا نقطعو الواد.
· تختار حتى تعيى و تهز من اولاد الكلبة جرو.
· تدويقة الاحمق اكثر من معطاه.
· تدير سليخ المعزي.
· الترابي من الجنة.
· الترابي سبقات الجامع.
· تزوجات السعدية باش تعاوني , خدات قوتي و حوايجي و رماتني.
· تزول الجبال ما تزول الطبايع.
· التيساع رحمة و الضيق نقمة.
· تسباق الايجارة من تبطال العمل.
· التسبيح و الدبيح.
· تسحابني كرمة و فيك الكرموس , ساع انت غير خربة و فيك الناموس.
· تسنى الجوع حتى يطيب الشعير.
· تشميرا على الدراع أحسن من التكلان عل الغير.
· تشييرت الاعمى فالظلمة.
· التعب كيربي العقل.
· تعشى بالتبن و دهن فمك بالسمن.
· تشعشيع النادر , و لا شمات العديان.
· تعطارت ريحة و فيحة.
· تعلى العين حتى تعيى ما تعلى على الحاجب.
· تعلم الحجامة فريوس اليتامى.
· تعمار الشوارج.
· تغذى بي قبل لا يتعشى بيك.
· تغذى و تمدى و تعشى و تمشى.
· التفتيفة كتيطح اللجام.
· تفرقوا بحال اولاد الحجل.
· تفكر حبيبك و هواه , و تفكر فعايلو و نساه.
· تقادات الهضرة ما بقى ما يتقال.
· تقرقيب الخلاخل , و الخوا من الداخل.
· تقطاع الاعناق و لا تقطاع الارزاق.
· تكلف و تسلف.
· التكريصة تكريصة الشعير و القلب يعلم به ربي.
· ثلاثة يدخلو بلا شوار , الدين و الشرف و الموت.
· ثلاثة يورثو البلا , ثوب الدلالة و رفاقة من والى و فروج المسبلة.
· ثلاثة ما فيهم أمان , الجمال و البحر و الرجال.
· ثلاثة ما فيهم أمان المخزن و الماء و العافية.
· ثلاثة كيفرقو بين الخوت المال و النسا و الموت.
· ثلاثة من الهبال , تمشي للسوق بلا مال , و لا تمشي للبير بلا حبال , و لا تكون وسط جماعة و ما ترد البال .
· ثلاثة من طبعي , ما داعي ما مداعي , و الي سد رحاتو , وفر لي زرعي.
· الثلث الخالي فالدنيا راس بنادم.
· تمشي أم الخديدات , و تجي او الوليدات.
· تنساك الموت.
· تنقولو راه ثور , كيقول لي حلبو.
· تهرس الكاس و بقاو شقوفو , و مشى الزين و بقاو حروفو.
· الثوب قد الرقعة.
· الثوب الوافي ما يحافي.
· التوحيد كاين و الايمان فاين.
· توخرات العدة في يد الشمايت.
· توكل على ربي , الرزق ما عرفتيه فين مخبي.
· تياكل مع الديب و يندب مع السارح.
· تيقتل الميت و يمشي فجنازتو
الموضوع الأصلي : هنا || المصدر : ملتقى الأجيال
التوقيع
http://data.imagup.com/6/1114964600.jpg -*-* اعلانات داعمة *-*-[center]
